Azkeneko fasean sartu da Sagardoaren Txapelketa, eta datorren astelehenean jokatuko dituzte semifinaletako partiduak, arratsaldeko 18:00etan, Galarretan.
Bietan izango da Urumea bailarako ordezkaririk, gainera. Aurrenekoan, Endika Barrenetxea hernaniarrak jokatuko du, Ander Goikoetxea urnietarrarekin batera, Oialume Zar sagardotegiaren izenean, Alorreneako Urrizaren eta Martirenaren kontra. Eta bigarrenean, Aritz Zubiri goizuetarra ariko da, Josetxo Ezkurra doneztebarrarekin, Gurutzeta sagardotegiaren ordezkari. Bereziartuako Segurola eta Juanenea izango dituzte aurrez aurre.