Hilabete eta erdiz aritu dira lanean, Albaola itsas faktoria obradore bilakatuta, bale-txalupa baten txokolatezko erreplika egiten. Gipuzkoako gozogile ugarik hartu dute parte lanketan; tartean, Hernaniko Adarraga, Esnal eta Oa gozotegietakoek. Eta txalupa bukatuta, gaur uretaratuko dute Pasaian, Albaolan bertan, arratsaldeko 13:30etan.
Ur gainean mantenduko ote den daukate zalantza, eta zenbat denboraz eutsiko dion. Sortu duen ikusminagatik, zuzenean emango dute uretaratzea, eta hementxe ikusi daiteke: