Datorren astelehenean, Soka Parkeko Lurzoruan ez irristatzeko tratamendua emango dutela argitu du Udalak: «tratamendua emateko eguraldi lehorra behar da, eta azken asteetan egin duen giro bustiaren ondorioz, ezin izan da orain arte egin». Hori horrela, eta datorren asterako baldintza egokiak iragartzen direnez, orduan egingo da esku-hartzea. Hala, 10:00etatik hasita, zatika emango dute tratamendua eta dagokion zati hori lehortu bitartean, Udalak azaldu du ezingo dela bertatik pasa. Beraz, astelehenean Soka Parkea ez da itxiko, baina trabak saihesteagatik, bertatik ez pasatzea gomendatu die Udalak herritarrei.