Chillida Lekuk Phyllida Barlow artistaren obra jarri du ikusgai atzotik, Estatuan lehen aldiz. Erakusketa urriaren 22ra arte egongo da, Zabalaga baserrian, tamaina haundiko lanak biltzen baititu. Bertan, Eduardo Chillidaren eta artista britainiarraren arteko «ustekabeko loturak» aztertzen dira, grabitatearen, masaren eta materialtasunaren inguruko azterketetan bat egin zutenak.
Phyllida Barlow (Erresuma Batua, 1944-2023) artista garaikidearen erakusketak, nazioarteko artista ospetsuen lanak aurkezten dituen seriearekin jarraitzen du. Azken urteetan Hernaniko museoak Antoni Tàpies eta Joan Miróren erakusketak bildu ditu.
Barlowk Chillida Leku bisitatu zuen iazko udazkenean, museorako sortu zuen erakusketan lan egiteko. Martxoan hil zen. «Chillida Lekun Phyllida Barlowren bisita jasotzea esperientzia inspiratzailea izan zen», adierazi zuen Luis Chillidak.