Droga-trafikoagatik, 57 urteko emakume bat atxilotu zuen Ertzaintzak, igande arratsaldeko 17:30ak aldera, Hernaniko Zikuñaga auzoan. 450 gramo inguru marihuanarekin harrapatu zuten, eta osasun publikoaren aurkako ustezko delituagatik atxilotu zuten.
Aparkatuta zegoen kotxe bat irekita ikusi zuen Ertzaintzaren patrulla batek, eta barrutik marihuana usain haundia ateratzen zela ohartu zen. Autoaren jabea eta harekin zegoen emakumea aurkitu zituzten agenteek, eta haiekin batera miatu zuten autoa. Orduan, 450 gramo inguru marihuana topatu zituzten emakumearen poltsan, eta atxilotu egin zuten. Ertzain etxera eraman zuten, zegozkion eginbideak hasteko, eta atzoko egunean zehar ziren Donostiako Guardiako Epaitegiaren esku jartzekoak.