Hernaniko Dobera Euskara Elkarteak 30 urte bete ditu, eta hauek behar den bezala ospatzeko, adin ezberdinetarako eta mota askotako ekintzak antolatzen ari dituzte. Gaurtik ostiralera bitartean Biteri Kultur Etxeko erakusketa gelan, «30 urtez euskararen normalizazioaren bidean (1993-2023)» erakusketa egongo da ikusgai. Eta horrez gain, gaur arratsaldeko 19:30etarako, Doberako sortzaileen eta Burrunba gazte euskaltzaleen arteko solasaldia ere antolatu dute, erakusketa gelan.