Uda ate joka dagoen honetan, urtero, bailarako ikastetxeek jaialdiak egiten dituzte, ikasturteari amaiera emateko, eta gaur, Urumea ikastolak hartuko du lekukoa. Goizeko 10:30etan emango zaio hasiera jaialdiari eta 310 ikaslek hartuko dute parte. Aurtengo gaia kulturartekotasuna izango da, eta ikasleen emanaldiez gain, Urumeako Guraso Elkarteak zenbait ekintza antolatu ditu, besteak beste, Tor magoa, puzgarriak eta DJ Mikel.