Maiatzaren 27rako, Itxas-Buru sagardotegiak eta Osiñagako Auzo Elkarteko jai batzordeak bertso afaria antolatu dute. Bertsotan izango dira Eñaut Martikorena hernaniarra eta Joanes Ilarregi leitzarra. Afarirako tiketak Aralar tabernan egongo dira salgai, eta Osiñagako auzotarrek 649 493 320 telefonora deituta erosi dezakete sarrera, denek 35 euroren truke.
Arratsaldeko 20:30etan emango zaio hasiera bertso afariari, Itxas-Burun, eta ondorengo menu ederraz gozatzeko aukera izango dute bertaratzen direnek: aurrena pikatzeko, tomate entsalada, urdaiazpikoa eta pikilo konfitatuak txerri lepapearekin; jarraian bakailu trotila; eta segidan, txekor saiheskia. Afaria borobiltzeko postrerako eta kaferako tartea ere egongo da.