Euroeskualde Txapelketa irabaztea lortu zuen Hernanik. Aurreko bi jardunaldietan 5 garaipen eta porrot 1 jaso zituen taldeak, eta partidu bikainak jokatu zituen larunbatean, kopa eta txapelak eskuratzeko. Nesken txapelketan Gaztedik irabazi zuen, final bikaina jokatuta. Amaieran bi taldeek elkarrekin jaso zituzten sariak.
18 eta 16 urtez azpikoak, finalera
Euskal Ligako finaletan jokatuko dute Hernaniko 18 eta 16 urtez azpiko taldeek. Errenta haundia zuen 18 urtez azpiko taldeak, eta ez zion inongo aukerarik eman Elorriori, Landaren 52-7 irabazita. Ordiziaren aurka jokatuko dute finala, Irunen.
Estuako zeuden kontuak 16 urtez azpiko kategorian. Juxtu irabazi zuen joaneko partidua Hernanik, eta etxean 13-14 galdu arren, finalera sailkatzea lortu zuten, Gaztedi kanporatuta. Finalean Uribealdearen kontra arituko dira.