Armairutik Plazara! dokumentala eta unitate didaktikoa estreinatu eta aurkeztuko dute bihar, 18:00etatik aurrera, Hernanin, Kulturarteko Plaza Feministan. Hernaniko LGBT+ errealiteari eta memoria biziari buruzkoa da eta Hiruki Larroxak elkarteak antolatzen du. Mahai ingurua ere egingo dute.
LGBT+ Fobiaren Aurkako Nazioarteko Eguna, etzi maiatzaren 17an da eta mobilizazioak egingo dituzte Hernanin.
'Alternatiba ekofeministak' ikastaroa eskainiko da maiatzaren 27an eta aurretik izena eman behar da
Hilabeteari bukaera emateko, Alternatiba ekofeministak ikastaroa eskainiko dute maiatzaren 27an, goizeko 09:30etatik 13:00etara. Mirene Begiristainek eta Marta Barbak eskainiko dute, eta parte hartzeko, izena eman behar da aldez aurretik: hernani.eus/emakumeentzako-jabetze-eskola webgunean, kulturartekoplazafeminista@hernani.eus helbide elektronikoan, edo 943 33 70 17 telefonoan.
Azalduko dute besteak beste zer den ekofeminismoa, eta begirada feministatik nola begiratu.