Rural Kutxak ia 22 urte daramatza beste bizilagun bat bezala Hernanin. «Gertuko zerbitzuan eta bezeroarentzako aholkularitzan pentsatutako negozio ereduari leial, bulegoaren aldeko apustua egiten jarraitzen du», dio Unai Mendizabal bulegoko arduradunak.
Duela gutxi, instalazioak birmoldatu ditu, kontzeptu zabal, funtzional eta moderno batekin,
segmentu guztietako bezeroen beharretara egokituta.
Jarraian, Unai Mendizabali elkarrizketa, Rural Kutxak Hernanin duen bulegoko zuzendariari:
Zein balio bereizgarri eman diezazkiguke Rural Kutxa bezalako erakunde batek?
Gure erakundeak konpromisoa eta sustraitzea adierazi nahi du lan egiten dugun lurraldean, Euskal Autonomia Erkidegoan, erantzukizun sozialaz eta gure herriaren garapenari egiten diogun ekarpenaz arduratzen gara. Modu honetara, erabat inplikatuta gaude tokiko ohitura eta tradizioetan, hurbileko Gizarte Ekintzaren bitartez, faktore bereizle gisa.
Bestalde, fidagarritasuna dugu, kapital-ratioetan neurtuta, nazio-mailan handiak diren datuekin, eta mundu mailan ere ebaluatzen gaituzte, kalifikazio agentziek; eta horrek, gure bezero eta bazkideei sinesgarritasuna eta fidagarritasuna ematen die.
Zer neurritan bateratu daiteke bulegoetako arreta kanal digitalekin, bezeroari 24 orduz zerbitzu bat emateko?
Elkarrekin bizi daitezkeen eta baztertzaileak ez diren bi kanal dira. Guk arretan jartzen dugu jomuga, defendatzen dugu gure arreta pertsonalizatuta, gure langileekin. Eta adibiderik onena gure ordutegia da.
Gure bulegoaren kasuan, astelehenetik ostiralera 8:15etik 14:00etara eta ostegun arratsaldeetan, 17:00etatik 19:30etara.
Gure ustez, ingurune digitalera egokituta egoteak gure bulegoetako arreta pertsonala eta aholkularitza osatzen ditu, gure bezeroei ematen diegun zerbitzuaren ardatz gisa.
Posible al da gaur egun eredu horri eustea, bulegoak ixteari eta langileak murrizteari buruz egunero argitaratzen diren albisteak ikusita?
Rural Kutxan, bulegoak ez ixtearen eta enplegua mantentzearen aldeko apustua egin dugu.
Ziur gaude gure ereduak funtzionatzen duela eta, sare baten bidez, Euskal Autonomia Erkidegoak 90 bulego eta 315 langile ditu, eta balio erantsia ematen diegu erabaki jakin batzuetarako gurekin kontatzen duten bezeroei. Laguntzeko ondo prestatutako pertsonak ditugu; aholkuak ematen ditugu, eta gure zerbitzuak beti daude bezeroen beharren arabera egokituak.
Txirrita kalea 10 Hernani
943 33 59 20