Gaur bukatuko da Hernaniko Dantzari Astearen 25garren edizioa, eta dantzari txikiak izango dira protagonista. Arratsaldeko 17:00etan hasiko dira dantzan, eta sei talde elkartuko dira: Hernaniko Ttarla, Astigarragako Astigar, Donibane Lohizuneko Begiraleak, Urnietako Egape, eta Donostiako Eskola eta Trebeska.
Eguraldiak lagunduz gero, kalejira egingo dute Kaxkoko kaleetan zehar; eta dantza emanaldia bukaeran, Jon Odriozolak aurkeztuta, irrintzilariak, Hernani musika eskolako txalapartariak eta Iraulio Panttaloneko bertsolariak lagun dituztela. Eguraldi txarra eginez gero, aldiz, Atsegindegin egingo dute emanaldia.