UEMAk udako Bertatik bertara kanpainaren bidez, bisitari zein herritarrei euskera den altxorra erakutsi nahi die, baita ostalaritza eta turismoko langileak zerbitzua euskeraz ematera animatu ere. Parte hartzen duten establezimendu guztiei mahaietan jartzeko paperezko mahai-gainekoak banatuko zaizkie, bertan, euskerazko oinarrizko esamoldeak topatuko dituzte bezeroek. Horrez gain, spot bat ere egingo da.
Kanpainan parte hartzeko izena eman behar da merkataritza@hernani.eus helbide elektronikoan eta epea bihar amaituko da. Doakoa da kanpainan parte hartzea. UEMAtik establezimenduak animatzen dituzte parte hartzera.
Hernani UEMA (Udalerri Euskaldunen Mankominutatea) mankomunitatean dago integratuta, hori osatzen duten herrietan biztanle gehienek euskeraz komunikatzeko gai dira eta. Hernanin herritarren %60k badaki euskeraz hitz egiten, eta badira beste %20 ulertu egiten dutenak nahiz eta hitz egiteko gai ez izan.