Extremadurako jardunaldiak 2022ko urrian berreskuratu ziren bi urteko etenaldia eta gero Extremadurako kultura herrian zabaltzeko antolatzen da eta aurten, 2023an garai bateko hilabetera itzuli da festa, maiatzera. Datorren igandean, maiatzaren 14an izango da 29garren jardunaldia Atsegindegin. Donostiako Centro Cultural Extremeñok antolatzen du.
Produktuak eta 'Virgen de Guadaluperen' emanaldia
Igandean, Extremadurako zapore eta usainak iritsiko zaizkie hernaniarrei. 10:00etan hasita Atsegindegin, Extremadurako jaki gastronomikoen festa egongo da; probatu, dastatu eta erosteko aukerarekin.
Postuak jarriko dituzte, bertako gastronomiarekin eta informazio turistikoarekin. Pintxoak eta ardoa ere izango dira aukeran. Goiz osoan egongo dira bertan, eta ondo girotuta, gainera. Musikak ez du etenik izango, Extremadurako jotekin eta kantu tipikoekin, eta dantza ere ez da faltako.
Gainera, 13:00etan, ohiturari jarraituz Virgen de Guadalupe taldeko koru eta dantzariek emanaldia eskainiko dute Atsegindegin bertan