Argindarraren eta gasaren fakturak ulertzen laguntzeko saioekin jarraitzen du Energia Bulegoak, Hernaniko auzoetan; eta aste honetan egingo dituzte beste bi. Asteazkenean, Zelabide Auzo Elkartearekin batera antolatuta, Langile ikastolaren Bidebietako lokalean (Perkaiztegi 5) egingo dute saioa, arratsaldeko 19:00etan. Eta ostegunerako, Kaxko Auzo Elkartearen lokalean (Gudarien Plaza 12) jarri dute hitzordua, 19:00etan.