60 urtetik gorakoentzat, beste irteera bat antolatu du Olak Auzo Elkarteak, hilabete honetarako. Oñatira joango dira maiatzaren 20an, goizeko 09:30etan autobusean abiatuta, Ereñotzuko markesinatik; eta egun osorako plana prestatu dute.
Horrela, Oñatiko Txokolateixia bisitatuko dute aurrena, txokolatearen interpretazio zentroa. Eta ondoren, Arantzazuko santutegira igoko dira, eta bertan bazkalduko dute.
Joan nahi dutenek, maiatzaren 12ra arte daukate txartela erosteko aukera. Auzo Etxean daude salgai, 35 euroan.