Hernaniko M16 taldeak Euskal Ligako finalerdietako joaneko partida irabazi zuen pasa den larunbatean Gasteizen 19-21, Gaztediren aurka, eta asteburu honetan Estatuko Txapelketa jokatuko dute Valladoliden.
Lurralde ezberdinetako zortzi talde sailkatzen dira txapelketa honetara eta Hernani da horietako bat. Gaur eta bihar jokatuko dira partiduak.
Euskal Herriko itzulerako partidua maiatzaren 13an jokatuko dute. Beste finalerdia Getxo eta Uribealdearen artekoa da.
M18 taldeak Euskal Herriko finalerdia, Elorrioren aurka
Pasa den asteburuan jokatu zen Estatuko txapelketan bosgarren postua lortu eta gero, Hernanik orain, Euskal Ligako finalerdiak izango dituzte jokoan Elorrioren aurka. Liga erregularrean jaun eta jabe izan dira eta joaneko partidua gaur Elorrion, 16:00etatik aurrera izango dute. Finalerdietako kanporaketa ari dira jokatzen eta itzulerakoa maiatzaren 13an Landaren izango da. Kanporaketaren irabazleak finalerako sailkapena lortuko du. Beste finalerdia Ordizia eta Gaztedik jokatuko dute.
Irun izango da aurtengo Euskal liga ezberdinetako finalak hartuko dituen egoitza. Maiatzaren 21ean izango dira 5 txapelketetako finalak, inklusibo mailakoa, m16 eta 18 mailakoak eta senior emakumezko eta gizonezkoen mailakoak.