Bihar, Arizkungo gaitarien bisitaz gozatzeko parada izango dute herritarrek. Izan ere, Baztango dultzainero taldeak kontzertua eskainiko du, bihar arratsaldeko 19:00etan, Milagrosan, Hernani Musika Eskola publikoak eta Hernaniko dultzaineroak antolatuta. Aurten atera duten diskoko zenbait doinu aurkeztuko dituzte, besteak beste. Kontzerturako sarrera doakoa da: «baztandarren gaitak entzutera gonbidatuta dago hurbildu nahi duen herritar oro» azaldu dute Hernaniko Musika Eskola publikoak eta Hernaniko dultzainero taldeak.
Kontzertu honekin ixten da joan den larunbatean hasi zen dultzainero topaketa: «ia 100 dultzainero elkartu ziren Hernanin» nabarmendu dute antolatzaileek, pozik.
Arizkungo gaitarien lan berriko doinuak entzungai
Azken urteotan gaitaren historia eta Baztanen izan duen presentziarena biltzen aritu da, abestiak berreskuratu eta bilduz. Duela hilabete batzuk argitaratu zuten Espartinen Ahaireak 'izeneko disko-liburua. Albumean aurkezten diren piezak Nafarroako gaiteroek eta Hego Euskal Herriko txistulariek eta, neurri txikiagoan, soinujoleek, batez ere Baztan-Bidasoa eskualdekoek, egindako dantza-errepertorioetatik datoz.