Urtero egin ohi dute Ausa Gaztelu eguna Larraitzen, eta bihar egingo dute ekitaldia, hain zuzen ere, Aralarko Larre irekiera festarekin batera. Horregatik, Hernani Errotzenek Ausa Gaztelura joateko deialdia luzatu die hernaniarrei: «gogoratu, Enirio-Aralar eremu hori herri lurren tradiziotik datorrela, Piriniar Zuzenbidetik. Beraz, Larraitzen ikusiko dugu elkar».