Hernaniko alderdi jeltzaleak ere dagoeneko aurkeztu du maiatzaren 28ko Udal Hauteskundeetara aurkeztuko duen zerrenda, eta Andoni Amonarraiz zerrendaburuak taldeari buruzko aurkezpen bat egin du: «gure hauteskunde zerrenda osatzen duten kideetako batzuk enpresa pribatuaren zein publikoaren kudeaketan egin dute lan; beste batzuk indarrez datozen gaztean dira, gure herria hobetzeko energia jartzeko gogoa dutenak. Azken 16 urteetan Hernanik izan duen arazo haundienetako bat udal kudeaketa izan da. Horregatik, azpimarratzen dugu, gure hautagaitzak udal-jarduera desblokeatzeko behar den ezagutza eta esperientzia dituela».
Bozeramaile jeltzaleak adierazi duenez, azken 16 urteetan EH Bilduren paralisiak ondorioak utzi ditu, eta horietako batzuk zerrendatu ditu: «ez dira etxebizitza publikoak ez pribatuak eraiki; urte hauetan guztietan, desgaitasuna duten pertsonak dituzten udaleko lanpostuak betetzeari dagokion legea ez da bete. Horrez gain, auzoen irisgarritasuna aspaldi egin beharreko kontua zen; eta gauza bera gertatzen da kirol-kluben eskaerekin, Gudarien plazaren egokitzapenarekin, bide-garbiketarekin, eta abar».
Eta amaitzeko, lan hau egin ahal izateko profil ezberdinetako pertsonak dituztela adierazi du Amonarraizek: «guztiak Hernanik behar duen aldaketari ekiteko prest daudenak».
EAJ-REN ZERRENDAHERNANIKO UDAL HAUTESKUNDEETARAKO 1. Andoni Amonarraiz Gómez |