Sendabelarren tailerra antolatu zuen Portuko Auzo Elkarteak, aurreko larunbaterako; eta haurrek zein helduek hartu zuten parte. Bi zati izan zituen tailerrak. Aurrenekoan, auzoan barrena ibili ziren, belar ezberdinak ikusten, ezagutzen eta horien baloreak eta erabilerak ikasten. Bigarrenean, berriz, zenbait ukendu egiten ikasi zuten, auzo elkartearen lokalean.