Gaur jokatuko du Hernanik fase berriko bigarren jardunaldia, Zarautzen kontra. Lehenengo jardunaldian galdu egin zuten Urnietaren aurka, eta lehenengo garaipena bilatuko dute etxetik kanpo. Garrantzitsua izango da oraingoan irabaztea, atsedenaldira konfiantzarekin joateko.
Gainontzeko taldeei dagokienez, etxean jokatuko dute jubenil mutilek, Saiekoren aurka, arratsaldeko 18:30etan; eta jubenil mailako neskek atsedenaldia izango dute. Kadeteek, aldiz, bihar goizean jokatuko dute, etxean, hauek ere Saiekoren kontra.