Hernanin esleituko diren babes ofizialeko 24 etxebizitzen eta 17 etxebizitza tasatuen zozketetan parte hartzeko, onartuen eta ez onartuen behin-behineko zerrendak ikusgai daude dagoeneko. Zerrenda hauek maiatzaren 10era arte egongo dira ikusgai, Hernaniko Udaleko iragarki taulan, Udalaren webgunean (hernani.eus) eta Contrucciones Sukia Eraikuntza S.L. enpresaren webgunean (sukia.com). Halaber, Udaleko Herritarren Harrera Zerbitzuan eta etxebizitza bulegoan ere kontsultatu daitezke.
Erreklamazioa egin nahi izanez gero, idatziz aurkeztu beharko dira, aipatzen diren arrazoien lagungarri izan daitezkeen frogagiri guztiak gehituta, Hernaniko Udaleko HHZren bulegoan, edo Sukia Eraikuntzak S.L. enpresaren bulegoan (Donostia, Lugaritz Pasealekua 21, Sukia eraikina). Udalak jakinarazi du, erreklamazioak idazteko Udaleko eskaera orri orokorra erabili behar dela.