ENCAJA2en bederatzigarren denboraldiko kartela osatzen duten artistetako bat da Maite Larburu artista hernaniarra. Pandemia betean sortu zen kontzertu eta multimedia grabazioen ziklo hau, dagoeneko erreferente bihurtu da Asturiasko musika programazioaren barruan.
Jovellanos antzokian izango da gaur Larburu, Carlos Taroncher eta Ander Zulaikarekin batera. Gaurko jaialdian, hirukoteak Larbururen azken lana zuzenean eskainiko du, besteak beste, Amua antzerkia obrarako espresuki sortutako abestia.