Ostegunean, Hernaniko Goiz Eguzki abesbatzak eta Beasaingo abesbatzak emanaldi eder bat eskainiko dute, arratsaldeko 19:00etan, Goiz Eguzkiko areto nagusian. Motorrak berotzeko aurrenekoa izango da Goiz Eguzki abesbatza, Ixiar Zubimendiren zuzendaritzapean bi abesti kantatuz. Jarraian, gizonen abesbatzak hartuko du lekukoa, Carlos Sanchizen eta Jabier Zubimendiren zuzendaritzapean. Eta segidan, Goiz Eguzki abesbatzako gizonek eta emakumeek bat egingo dute bost abesti kantatuz.
Amaitzeko, Beasaingo 'Gure Abesbatza' igoko dira aretoko oholtzara eta 8 melodiaz osatutako errepertorioa abestuko dute, Javier Alberdiren zuzendaritzapean. Bertaratzeko gonbitea luzatu diete Goiz Eguzkik, herritarrei.