Zizurkilgo Duatloia jokatu zen larunbat arratsaldean. Bertan izan ziren hainbat hernaniar, maila desberdinetan; eta txapela jantzita bueltatu zen horietako bat, Maider Martin: open kategoriako proba irabazi zuen, federatu gabekoena alegia.
Proba nagusiko ibilbide bera osatu zuten open kategoriakoek ere: 5 kilometro korrika, 20 kilometro bizikletan, eta beste 2,5 kilometro korrika. Helmugan bederatzigarren denbora onena markatu zuen Maider Martinek (1:14:11) emakumezkoetan, 46 partehartzaileren artean; eta azkarrena izan zen federatu gabekoetan, oso gutxigatik: 14 segundu beranduago helmugaratu zen Alba Mendazona, bigarren sailkatua.