'Hitzño bat erran eta banua berehala'. Horixe da Olatz Zugasti abeslari eta musikari hernaniarraren azken lanaren izenburua. Zugastiren zazpigarren lana da, eta orain arte osatutako bideari jarraipena eman dio diska berrian: «Hainbat estilotatik datozen doinu, erritmo eta soinuez osaten den musikarekin eta hitzekin egina dago, non, besteak beste gure gizartearen itzal, irudipen edo gezurrez haratago begiratzen saiatzen den».
Zugastik lau pertsonako musikari talde baten laguntzaz ondu ditu diskako hamar abestiak. Zugastik, ahotsa jartzeaz gain, harpa eta teklatua erabili ditu. Gainera, Ander Ederra aritu da gitarran, Gratxina Lertxundi haizezko tresnetan, Amaiur Cajaraville baxuan eta Ander Zulaika baterian eta perkusioan.