Negozioentzat eta merkatarien elkarteentzat digitalizaziorako dirulaguntzak argitaratu ditu Eusko Jaurlaritzako Turismo, merkataritza eta Kontsumo sailak. Onuradunak Merkataritza-sektoreko mikroenpresak eta enpresa txiki eta ertainak dira, EJSN-2009ko 45. 46. edo 47. kodeetan alta emanak eta merkatarien elkarteak. Aurkezteko epea apirilaren 27a izango da.
Proiektuaren gutxieneko zenbatekoa 1.500 eurokoa da merkataritza-sektoreko enpresentzat eta 50.000 euro merkatari elkarteentzat.
Laguntzaren muga, diruz lagun daitezkeen gastuen %100 artekoa da, 50.000 euro arte merkataritza-sektoreko enpresentzat eta 100.000 euro merkatari elkarteentzat.
Bazkideen kolektiboaren eraldaketa digitalera bideratutako gastuak lagunduko dira, baita salmenta-puntua modu kolektiboan eraldatzeko gastuak; jasangarritasunari eta ekonomia zirkularrari lotutako gastuak; ornidura-kateari eta trazabilitateari dagozkien gastuak.
Bestelako laguntzak ere bideratuko dira: WiFi sareak ezartzea; merkataritza-eskaintzari buruzko informazioa ematen duten aplikazioak; tokitik hurbil dauden arkitektura, historia edo kultura-ondareko elementuei buruzko informazioa ematen duten aplikazioak, turismoa hainbat esparrutan sustatzeko: gastronomian eta erosketetan.