Andorra Saxfest lehiaketaren X. edizioan sariak lortu dituzte Ander eta Malen Pacheco Montero hernaniarrek. Ander bigarren gelditu zen 9 urte arteko A mailan, Oleksandra Popel ukrainarraren atzetik. Malenek, aldiz, garaipena lortu zuen 12 urte arteko B mailan.
Jaialdi garrantzitsua da saxofoilari gazteentzat, eta aurtengo edizioan herrialde askotako 160 musikarik hartu dute parte.