Etzi, ospatuko da Aberri Eguna, Euskal Herriaren naziotasuna, burujatzetza eta eskubideak aldarrikatzeko egun garrantzitsua. Hala ere, asteburu osorako antolatu dituzte jaruderak. Euskal Herria Batera ekimenak biharko eman du hitzordua Donostiako Miramar jauregian. Goizeko 11:00etatik, 'Baraga, badugu' lemapean, egun osorako egitaraua prestatu dute. Euskal Herri osoko eragile sozial, sindikal eta politikoetako ordezkariak ez ezik, kulturgileak, akademikoak edota kirolariak ere gomitatuak dira ekitaldi horretara.
EH Bilduk, Iruñean
La Furia, Arkada Social eta The Trikiteensen kontzertuekin eta Irlandako Sinn Fein alderdiko bozeramailearekin ospatuko du EH Bilduk aurtengo Aberri Eguna Iruñean, etzi. Eguna manifestazioarekin hasiko dute, Golem zinemetatik 12.00etan abiatuta. Hala, aldarrikapenarekin eta jaiarekin bat egin du Hernaniko EH Bilduk. Eta ehun autobus zerrenda baino gehiago zabaldu ditu, eta dagoeneko amaitu da izena emateko epea.