Hernaniko nesken batel infantilak batel liga ia erabakita utzi zuen Tolosan jokatutako jardunaldian. Bigarren postuarekin garaipena gertu dute. Aldiz, neska promesek lidergoa galdu zuten eta azken jardunaldian erabakiko da. Tolosaldea A puntu bakarrera dute. Pasai Donibanen, apirilaren 15ean, Tolosaldeari bi puntu atera behar dizkiote edo estropada irabazi.
Batel liga, puri-purian dago eta apirilaren 15ean, larunbatean erabakiko da maila ezberdinetan. Bihamunean, apirilaren 16an, igandea, Gipuzkoako Batel Txapelketa jokatuko da. Bi jardunaldiak Pasai Donibanen ospatuko dira.
'Maialen' azkena, San Pedron
Eguraldia arerio haundia izanik, emakumezkoen traineruak, iragan larunbatean, San Pedroko XIV. test-ean parte hartu zuen. Beste urrats bat eman zuen Maialen traineruak, prestaketaren baitan, nahiz eta azken postuan amaitu