Denboraldiko azkenaurreko partidua jokatu zuen Hernanik larunbatean, El Fangon, Uni Bilbao taldearen aurka lehiatuz. Eta garaipen ederrarekin itzuli ziren etxera trikoloreak (14-47). Ohorezko B Mailako bigarren fasea amaitzear dago, eta multzoko aurreneko postua ziurtatua bazuen ere, ezin hobeto datorkio Hernaniri beste garaipen bat. Une honetan, 51 puntu dituzte sailkapen orokorrean, atzetik Gaztedi dutela 30 punturekin. Azken partidua datorren asteburuan jokatuko dute trikoloreek Uribealde taldearen aurka.
Porrota, 18 urtez azpikoek
18 urtez azpikoei, aldiz, txanponaren beste aldea tokatu zitzaien. Izan ere, 19-29 galdu zuten Bera Bera taldearen aurka. Hala ere, oraindik Hernanik lider jarraitzen du, 72 punturekin, eta bigarren doa Gaztedi 9 puntuko aldearekin. Hurrengo jardunaldia datorren asteburuan jokatuko dute, eta Errioxako Domiberiaren aurka lehiatu beharko dute.