Euskadiko boleibol txapelketa jokatuko da gaur Hernanin kadete mailan. Nesken eta mutilen txapelketak antolatu dira kiroldegian eta Hernanik talde bana aurkeztuko du maila bakoitzean. Hogei talde aurkeztuko dira guztira, 12 eta 8 maila bakoitzean.
Nesketan Hernanik, B multzoan, Galdakao (10:00) eta Gallarta (13:00) ditu aurkari. Lehenengo postuan geratuz gero finalerdia 16:00etan izango luke A taldeko irabazlearen aurka. Finala arratsaldeko 18:15etarako iragarri da.
Mutiletan Hernanik Gallartaren aurka jokatuko du 11:30etan. Irabaziz gero Udapa Jatorkide edo Sapuherri izango dute aurrez aurre, 13:00etan. Finala 17:00etan jokatuko da.
Euskal Liga bihar amaituko da
Bestetik, nagusien mailan, Euskal Liga bihar amaituko du mutilen taldeak, 11:30etan etxean, Navarvoleiren kontra. Garaipena ez da erraza izango bigarren sailkatuaren kontra.