Aratz Urdinduz astea ospatzen ari dira Aratz Ikastolan, eta egitaraua borobiltzeko Bizipoza Festa ospatuko dute ostiral honetan. LH2ko ikasleek antolatu dute festa, eta ekintza ugari izango dira goizean zehar: jaia 09:30etan hasiko da, jarraian aurpegi margoketa, jolasak eta eskulanak izango dira, eguerdian 'Txundi gaitzazu' ikuskizuna egingo dute, eta 'Marea Urdina' dantzarekin amaituko dute festa.