Kontzertua eskainiko du Karena musika taldeak igandean, 19:00etatik aurrera, Milagrosa aretoan. Irati Jauregi hernaniarrak, Irati Gardokik eta Andoni Zabalok osatzen dute taldea, eta gitarra, baxu eta saxofoiarekin girotuko dute igande arratsaldea.
Euskal kanta ezagunen bertsioak eta taldeak sortutako abestiak tartekatuko dituzte kontzertuan; hala, melodia goxoenetatik dantzagarriak diren doinuetara pasako dira behin eta berriz.
Sarrerak salgai daude oraindik, 5 euroan, Hernaniko Kultura Sailaren webgunean: https://entradium.com/eu/events/karena-taldea.
Bi sarrera bikoitz Kronikakideentzat
Sarrera lortzeko aukera atseginago bat izango dute bi Kronikakidek. Izan ere, bi sarrera bikoitz zozketatuko dira izena ematen duten Kronikakideen artean. Parte hartu ahal izateko, https://kronika.eus/zozketak/ helbidean eman beharko da izena. Ostegunean itxiko da zozketa, eta ostiralean jakinaraziko dira irabazleak.