Bukatu du liga Hernanik, mutilen Gipuzkoako bigarren mailan; eta garaipena lortu du azkeneko jardunaldian. Ostiral iluntzean jokatu zuen, etxean, Donibane Kalaburtzaren kontra; eta 36-31 nagusitu zen.
Hori horrela, sailkapeneko laugarren postuan bukatu dute hernaniarrek, 18 punturekin: 16 partidutatik, zortzi irabazi dituzte, bi berdindu eta sei galdu. Aurretik izan dituzte Elgoibar (28), Donibane Bonantza (26) eta Pulpo (24), urruti xamar; baina atzeko bost taldeak ere ez dituzte gertu izan: Munttarpe (14), Txingudi (12), Egia (9), Donibane Kalaburtza (9) eta Bergara (4). Postu erosoan bukatu dute liga, beraz.