Jendetza, Hernaniko Ibilbide Morearen estreinaldian

Atzo eguerdian estreinatu zuten Hernaniko Ibilbide Morea, Plazatik abiatuta; eta dozenaka herritar bertaratu ziren, ibilbidearen parte izendatu dituzten 10 puntuak eta horien istorioak gertutik ezagutzera. Plazan bertan egin zuten aurkezpena, eta Andre kaletik hasi zuten ibilbide gidatua. Ondoren, bisitatu zituzten Azaroak 25 plaza, Aimar Elosegi Ansa 'Moio' kalea, Joxepa Zubeldia Elizegi kioskoa, Leokako garbitokia, Ibarrolaburu-Lorenza plaza, Industriako emakume langileen pasealekua, Carmen Adarraga parkea eta Dionixi Lizeaga Agerre, Kultu­rarteko Plaza Feministan bukatzeko: bertan, ibilbideari buruzko liburuxkak banatu zituzten, eta luntxa ere egin zuten.