Hiru saio izango ditu Zilegi Eskolak, datorren astean, Hernaniko AEK euskaltegiak antolatuta. Batetik, bisita bikoitza egingo dute Herrilur kontsumo elkartera: astelehenean 14:30etan, eta asteartean 09:30etan, AEKn aurreneko azalpenak jaso ondoren. Asteazkenean, berriz, autoaren oinarrizko zaintzari buruzko ikastaro teoriko-praktikoa eskainiko du Iñigo Motak. 18:00etan elkartuko dira AEKn, eta auto batekin ere praktikatuko dute. Doakoak dira hiru saioak, baina izena eman behar da: 663 043 314 edo zilegieskola@aek.eus.