Joan den asteburuan, Getarian jokatu beharreko estropada Oria ibaian jokatu zen eguraldiaren ondorioz. Infantil neskak, hilabeteko etenaldiaren ostean, Orion uretaratu ziren; batel bat bigarren sailkatu zen, lehenengoarengandik tarte gutxira, eta beste batel batek, aldiz, zazpigarren egin zuen. Kadeteei dagokionez, emaitza gazi-gozoak izan zituzten Orioko estropadan, baten bat lehenengo sailkatu zen; eta bestea, aldiz, hamairugarren.
Udaberri Openean, Odriozola
Joan den larunbatean eta igandean, Banylosen, Beñat Odriozola hernaniarra lehiatu zen, eta bigarren postuan gelditu zen. Gustura aritu zela aitortu du Xabier Zabalak, Beñaten entrenatzaileak: «Igandean ere ederki aritu zen, kontua da une honetan, Javier Garcia arraunlaria zertxobait gehiago dela, eta azken emaitza logiko xamarra izan zen».