Datozen asteotan zehar, informazio saioak eskainiko ditu Hernaniko Energia Bulegoak, herriko auzoetan, gasaren eta argindarraren fakturak ulertzeko, eta merketzeko aukerak ikusteko. Gaur bertan egingo dute aurrenekoa, Karabelen: arratsaldeko 19:00etan, Belkara Auzo Elkartearen lokalean (Oleta kalea, 23). Martxoaren 28an izango da bigarrena, Lizeagako auzotarrentzat: arratsaldeko 19:00etan, Gibelalde Auzo Elkartearen lokalean (Larramendi kalea, 11). Herritarrei gomendatu diete etxetik fakturak eramatea, saioan aztertzeko.