Udaberriarekin batera, Gaztelekuak sekulako ekintzak prestatu ditu. Bihartik ostiralera arte, udaberriko puzzlea egiteko aukera eskainiko dute Gaztelekuan. Udaberriko puzzleaz gain, Gaztelekuak argazki lehiaketa antolatu du, eta parte hartzeko aukera dago martxoaren 24ra arte. Argazki lehiaketarako gaia 'udaberria' da, eta hgaztelekua@gmail.com helbide elektronikora bidali behar dira. Behin argazkia bidaltzeko epea amaitzean, aste bat izango dute gazteek, argazki gustukoena bozkatzeko, eta bozketa epea martxoaren 31n amaituko da. Sari banaketa, berriz, apirilaren 2an izango da.
Horrez gain, asteburu honetarako ere ekintzak prestatu dituzte; larunbatean futbolin partidua jokatuko dute, eta igandean, 'Her' pelikula proiektatuko dute, Gaztelekuan bertan. Datorren astean, badmintonean jolastuko dute, eta eskulanetan aritzeko tartea ere izango dute herriko gazteek. Apirilaren 1erako Costa Jumpera irteera antolatu dute, eta Gaztelekuak azaldu du dagoeneko irekita dagoela izenematea.