A multzoko txapeldun izan daiteke Hernani, gaur bertan, mutilen Ohorezko B Mailan. Gaztediren kontra jokatuko du Landaren, arratsaldeko 16:00etan hasita. Eta hain justu, talde gasteiztarra da, trikoloreei aurrea hartzeko aukera matematikoa daukan bakarra: 19 puntura dago, eta lau partidu geratzen zaizkionez, 20 puntu lortu ditzake gehienez ere.
Hortaz, gaurkoan hernaniarrek nahikoa dute berdinketa, A multzoko lehenengo postua ziurtatzeko, bigarren urtez segidan. Edonola ere, garaipenaren bila aterako dira trikoloreak, denboraldia bukatzeko falta zaizkien beste bi partiduetan bezalaxe: Uni Bilbaoren eta Uribealdearen zelaietan.