Bihar emango zaio hasiera, Hernaniko martxoko kultur agendari, Zure platerean hasten da mundua dokumentala eskainiz Biterin, 19:00etan. «Bizi dugun krisi ekosozialak gure bizi ohiturak errotik aldatzea eskatzen digu. Proiektu honetan iraultza horri ekiteko ezinbesteko osagai bat aurkezten dizugu: Agroekologia», diote dokumentalaren egileek. Bertan partehartzen dute Maitena Salinasek, Maria Redondok eta Andoni Aizpuruk eta Herrilur Kontsumo Elkartearekin elkarlanean eskainiko da.
Justizia sozialerako politika publikoak jardunaldia ere antolatu da. Hernani eredu bat da Europan eta etzi, etzidamu, martxoaren 15ean eta 17an izango dira jardunaldiak online edo KPFn bertan.
Emakume Langileen Nazioarteko Eguna dela eta kontzertua eskainiko dute Goiz Eguzkin martxoaren 8an eta bigarren larunbatetako erromeriak eta kalez kale kantarik ez dute hutsik egingo.
Dobera Euskara elkarteak Laburbira euskarazko film laburren 20garren zirkuitua eskainiko du, martxoaren 15ean, Biterin, 19:00etan.
Martxoko ekitaldi nagusienetakoa Eñaut Elorrieta musikariaren kontzertua izango da, martxoaren 16an. Eñaut Elorrietak, Fantasia azken lana taularatuko du, 19:00etan Biterin.
Txikienentzako haur antzerkia ere izango da, martxoaren 18an larunbatean, Kelonia eta itsasoa antzezlanarekin. Biterin, 12:00etan, izango da.
Ohiko ipuin kontaketak, literatur solasaldiak eta emakumeen euskal literatura mintegia ez dira faltako martxoan. Haurtzaroari lagunduz hitzaldia ere Haziak elkarteak antolatu du martxoaren 25ean.
Kontalariak ahoz-aho martxoaren erdira arte eta ondoren antzerki zikloa
Martxoan ekitaldi garrantzitsua antolatu da Hernanin. Ahoz aho ahozkotasunaren nazioarteko jaialdian herrialde ezberdinetako kontalariak hartuko dute parte. honela, Alberto Garcia (Belgika), Dorleta Kortazar (Euskal Herria), Celine Ripoll (Frantzia/Polinesia), Marta Alzate (Euskal Herria) eta Martha Escuderok (Mexiko) hartuko dute parte. Ahozkotasunaren Gala Nagusiak itxiko du jaialdia martxoaren 17an, Biterin.
Antzerki zikloan hiru antzezlan daude iragarrita. Martxoaren 21ean, Sagastiarrak eskainiko da; 22an, Fake Trampantojo; eta 23an, Ez naiz Dublinen egon.
Gaztelekuak ere ekintza mordoa prestatu ditu martxorako.
Emanaldietarako sarrerak, eskuragai
Emanaldietarako eta kontzertuetarako sarrerak eskuragai daude bihartik, eta ohi moduan, bi modutara erosi daitezke: Biteriko leihatilan; edota http://kultura.hernani.eus webgunean sartuta.
MARTXOKO KULTUR AGENDA
HERNANI
BIHAR, MARTXOAK 1
19:00 Dokumentala. Zure platerean hasten da mundua. Herrilur Kontsumo Elkartearekin elkarlanean. Ondoren, solasaldia. Biterin. Euskeraz eta doan, gonbidapenekin.
MARTXOAK 2, 3, 15, 17
Jardunaldiak. Justizia sozialerako politika publikoak. Hernani: eredu bat Europan. 2an eta 3an online eta 15ean eta 17an Kulturarteko Plaza Feministan. Izenematea https://www.hernani.eus/eu/meet-europa.
MARTXOAK 8
17:30 Kontzertua: Emakumeen Nazioarteko Eguna. Goiz Eguzkiko abesbatzako emakumeak Goiz Eguzkiko areto nagusian.
MARTXOAK 11
Kalez Kale Kantari eta erromeria. Ohiko leku eta orduetan.
MARTXOAK 15
19:00 Laburbira: Euskerazko film laburren XX. Zirkuitua. Dobera Euskara Elkarteak. Biterin.
MARTXOAK 16
19:30 Kontzertua: Eñaut Elorrieta, Fantasia. Sarrera 8 euro eta salgai bihartik aurrera leihatilan edo online kultura.hernani.eus webgunean.
MARTXOAK 18
12:00 Haur antzerkia. Kelonia eta itsasoa. Euskeraz. Biterin. Sarrerak salgai bihartik.
MARTXOAK 25
11:00 Haurtzaroari lagunduz hitzaldia, Biterin. Haziak elkarteak antolatuta.
MARTXOAK 28
17:30 Ipuin kontaketa. Maite Frankorekin (4-6 urte), liburutegian. Gonbidapenak liburutegian.
MARTXOAK 28
19:00 Emakumeen euskal literatura mintegia. Berriz zentauro. Katixa Agirre. Gidaria. Alaine Agirre. Liburutegian.
AHOZ-AHO ahozkotasunaren nazioarteko jaialdia
MARTXOAK 2
19:00 Kontalaria: Alberto Garcia (Belgika). Gaztelaniaz. Liburutegian.
MARTXOAK 10
17:30 Kontalariak: Dorleta Kortazar (Euskal Herria) eta Celine Ripoll (Frantzia-Polinesia). Euskeraz eta gaztelaniaz. Zikuñaga auzoko libgunea.
MARTXOAK 13
17:30 Kontalariak: Marta Alzate (Euskal Herria) eta Martha Escudero (Mexiko), Euskeraz eta gaztelaniaz. Antziola auzoko libgunea.
MARTXOAK 17
18:00 Ahozkotasunaren gala nagusia. Euskeraz eta gaztelaniaz. Biterin. Gonbidapenak Biterin edo kultura.hernani.eus webgunean.
Antzerki Zikloa
MARTXOAK 21
19:30 Sagastitarrak. Euskeraz. Biterin.
MARTXOAK 22
19:30 Fake. Trampantojo. Gaztelaniaz. Biterin.
MARTXOAK 23
19:30 Ez naiz inoiz Dublinen egon. Euskeraz. Biterin.
Sarrerak salgai bihartik aurrera leihatilan edo online kultura.hernani.eus webgunean. Sarrera 8 euro.
LITERATUR SOLASALDIA
MARTXOAK 8
19:00 Loxandra. Maria Iordanidu. Dinamizatzailea Amaia Garcia. Gaztelaniaz. Liburutegian.
MARTXOAK 14
19:00 Eraikuntzarako materiala. Eider Rodriguez. Dinamizatzailea Ane Mayoz. Euskeraz. Liburutegian.
GAZTELEKUA
MARTXOAK 4
17:30 Antzara-joko feminista.
MARTXOAK 11
18:00 Nora filma.
MARTXOAK 14-24
Argazki lehiaketa. Gaia: udaberria. Bidali argazkiak gaztelekua@hernani.eus edo Gaztelekura eraman.
MARTXOAK 16
17:30 Merienda osasungarria.
MARTXOAK 23
17:30 Udaberriko puzzlea.
MARTXOAK 26
17:30 Her filma.