Emaitza bikainak lortu zituzten CD Hernaniko atletek Euskadiko gazte mailako txapelketan. Domina lepoan zutela itzuli ziren Donostiako belodromotik Mario Quiroga eta Hodei Sasiain.
16 urtez azpiko mailan zilarrezko domina eskuratu zuen Quirogak, luzera-jauzian 5,89 metroko jauziarekin. Hernaniko atletak beste behin erakutsi du gaitasun fisiko itzela daukala.
Sasiain, aldiz, 800 metroko proban nabarmendu zen. Hirugarren postuan amaituta, brontzezko dominarekin itzuli zen Hernanira; 2:08:21 denbora sinatuta.