Oinezko ibilbideak egiteko ohitura hartua daukate dagoeneko, Goiz Eguzki elkarteko jubilatuek. Eta bihar goizerako jarri dute hurrengo hitzordua: egoitzan elkartuko dira, 09:30etan; eta Osiñaga auzoan barrena egingo dute ibilbidea, 7 kilometro ingurukoa, 176 metroko igoera metatua daukana.
Hain juxtu, Inaxio Sanzek prestatutako ibilbide sortaren hirugarrena da biharkoan egingo dutena. Goiz Eguzkitik Hernaniko hilerrira joango dira, eta bertatik iritsiko dira Portu eta Urnieta arteko bidegorrira. Xoxokara dijoan bidean gora abiatuko dira gero, baina berehala hartuko dute Osiñaga auzora dijoan bidea, eta etxez etxe iritsiko dira Loidi baserrira, bertatik Portu auzora eta Hernaniko erdigunera bueltatzeko.