Erkidegoen arteko Espainiako txapelketa jokatu da asteburuan, eta zenbait garaipen eskuratu ditu Euskal Selekzioak. B mailako finala irabazi zuten M16 eta M18 taldeek, eta bertan izan ziren zenbait errugbilari hernaniar.
M16 kategorian Oier Zabalbeaskoa, Manex Alberdi, Joanes Usabiaga, Unax Goikoetxea, Mikel Perez eta Manex Maroñok jokatu zuten. M18 kategorian, berriz, Oihan Dominguezek, Oier Viciosok, Jaime San Nicasiok, Aimar Balenciagak, Beñat Garmendiak, Peru Burugainek eta Unax Zuriarrainek.
Gasteizko Gamarra zelaian jokatu ziren txapelketako partiduak, eta giro ederrean gozatu zuten jokalari guztiek.
Garaipena 23 urtez azpiko taldeak
Hernaniko taldeen jardunaldiari dagokionez, bikain joan zaizkie partiduak jokatu duten taldeei. Ohorezko B mailako taldearen garaipenaz gain, 23 urtez azpikoek ere irabaztea lortu zuten, Gernikaren etxean. Hernaniarrek 26-31 irabazi zuten, eta gehiago urrutiratu dute sailkapenaren azpialdea.
Asteburu honetan aurkari zuzen bat jasoko dute Landaren; Alcobendasen kontra jokatuko dute txapelketaren 15. jardunaldia. Sailkapenaren erdialdeko bi taldeen arteko neurketa izango da asteburu honetan jokatuko dutena; Hernani zazpigarren postuan dago, 22 punturekin, eta Alcobendas bosgarren sailkatua da, 27 punturekin.