Gaur estreinatuko du Donostiako Kresala Dantza Taldeak prestatu duen ikuskizun berria: 'Hitaz Orhoit'. Arratsaldeko 19:30etatik aurrera eskainiko dute emanaldia, Biteri Kultur Etxean. Taldetik azaldu dutenez, gerrak sortutako biktima ikusezinen omenez sortutako lana da Hitaz Orhoit; zentzumenen pertzepziora zuzendutako koreografiaz osatutakoa: «Gatazka beliko eta sozialen aurrean, bizikidetzaren eta giza eskubideen aldeko dantza eraldatzaile eta sendagarria».