Geuretik Sortuak egitasmoaren barruan, Metrokoadroka Sormen Laborategiak Bidaide antzezlana aurkeztuko du ostegunean, 19:30etan, Biterin. Sarrerak salgai daude, 8 euroan, kultur etxeko leihatilan edo, bestela, kultura.hernani.eus webgunean. Proiektu honetako lehenengo ikuskizuna izango da gaurkoa, eta, datozen hilabeteetan, antzerki-sortako gainerako obrak aurkeztuko dira Biterin: Trapu zikinak eta Eresia (martxoan), Sexberdinak (apirilean), eta Harri minak (maiatzean).