Extremaduraren inguruko jardunaldiak ospatuko dituzte datorren asteburuan, urria ondo hasteko. Hilaren 1ean eta 2an izango dira, eta egitarau konpletoa prestatu dute.
Larunbatean:
Festaren hasiera, 19:30etan, Biterin, Extremadurari buruz eskainiko den pelikula batekin. Extremadura eta haren biztanleak dira filmeko protagonistak. Ikus-entzunezkoaren ondoren,
solasaldi txiki bat ere izango da.
Igandean:
10:00etan hasita, Extremadurako jaki gastronomikoen festa izango da Atsegindegin. Musikak ez du etenik izango, Extremadurako jotekin eta kantu tipikoekin, eta dantza ere izango da. Gainera, 13:00etan, Virgen de Guadalupe taldeko koru eta dantzariek emanaldia egingo dute.