Partidu erabakigarrietara iristeko zorian dago Kutxabank Masters Txapelketa. Ligaxkako bigarren jardunaldia jokatuko dute gaur Ansak eta Ezkurrak, Galarretan.
Momentuz, kontuak estu baino estuago daude sailkapenean. Barrenetxea IV. dago lehen postuan, Ezkurrari irabazi eta 4 puntuak eskuratuta. Baina Ezkurrak, partidua galdu arren, puntu kopuru altuena lortu zuen 27 tanto eginda (2p.). Beraz, gaurko emaitza erabakigarria izan daiteke finalera sailkatzeko.
Ligaxkako partiduaz gain, Goikoetxeak eta Apezetxeak Loitegi eta Zubiriren aurka jokatuko dute; eta festibala ixteko Segurola eta Larrañaga Aldaberen eta Azpirozen aurka arituko dira.